Matka and Sorat : मटका व सोरट जुगार अड्डयावर छापा टाकुन 2,01,710 चा मुद्देमाल जप्त

०१ ऑक्टोबर २०२२ रोजी औंध बाणेर लिंक रोड,औंध पुणे या परीसरात काही इसम बेकायदेशीर पणे मटका व सोरट ( Matka and Sorat ) जुगार पैसे लावुन खेळत असल्याचे बातमीदारा मार्फत मिळालेल्या बातमीची खात्री करून सदर ठिकाणी सामाजिक सुरक्षा विभाग गुन्हे, शाखेकडील अधिकारी व पोलीस अमंलदार यांनी गोपनियरित्या पाळत ठेवुन छापा टाकला असता बेकायदेशीरपणे कल्याण मटका व सोरट  ( Matka and Sorat ) जुगार पैसे लावुन खेळवत व खेळत असलेले एकुण 25 व्यक्तींना ताब्यात घेवुन त्यांचे कडून कल्याण मटका व सोरट ( Matka and Sorat ) जुगारातील रोख रक्कम, मोबाईल व जुगाराचे साहित्य असा एकूण 2,01,710/- रू. (दोन लाख एक हजार सातशे दहा रू.) चा मुद्देमाल जप्त करण्यात आला

तसेच ताब्यात घेतलेले 25 इसम व जुगार अड्डयाचा मालक पाहिजे आरोपी असे एकूण 26 इसमांविरूध्द चत:श्रृंगी पोलीस स्टेशन येथे गुरनं 429/2022 महाराष्ट्र जुगार बंदी अधिनियम कलम 12 (अ) अन्वये गुन्हा नोंद करण्यात आला व त्यांना पुढील कारवाई करीता चतुर्श्रुंगी पोलीस स्टेशनच्या ताब्यात देण्यात आले आहे.

सदरची कारवाई मा.पोलीस आयुक्त,पुणे शहर,श्री.अमिताभ गुप्ता, मा.पोलीस सह आयुक्त, पुणे शहर,श्री.संदिप कर्णिक, मा.अपर पोलीस आयुक्त,गुन्हे,पुणेे,श्री.रामनाथ पोकळे, मा.पोलीस उप आयुक्त गुन्हे,श्री.श्रीनिवास घाडगे यांचे आदेश व मार्गदर्शनाखाली सामाजिक सुरक्षा विभागाचे वरिष्ठ पोलीस निरीक्षक,विजय कुंभार, सहा.पोलीस निरीक्षक,श्रीमती.अश्विनी पाटील, पोउपनि.श्रीधर खडके, पोलीस अंमलदार, राजेंद्र कुमावत, बाबा कर्पे, अजय राणे, आण्णा माने, हणमंत कांबळे, संदिप कोळगे, अमित जमदाडे या पथकाने यशस्वी केली आहे.

संपादक : भरत नांदखिले. पोलखोलनामा - लोकशाहीचा चौथा आधारस्तंभ.