Ganja seized : विमानात पार्सलमध्ये 40 कोटी रुपयांचा गांजा जप्त - 2 जणांना अटक

महसूल गुप्तचर विभागाच्या अधिकार्‍यांनी विमानतळावर कार्गो पार्सलमध्ये तस्करी केलेला 40 कोटी रुपयांचा गांजा जप्त केला. याप्रकरणी २ जणांना अटक करण्यात आली आहे.

विमानातील पार्सल मुंबई विमानतळावरील एअर कार्गो पार्सल विभागात उतरवले जात होते. या पार्सलमधून ड्रग्जची तस्करी होत असल्याची गुप्त माहिती महसूल गुप्तचर विभागाच्या अधिकाऱ्यांना मिळाली. त्यावर अधिकाऱ्यांनी तेथे जाऊन पार्सल वेगळे करून झडती घेतली. त्यात लपवून ठेवलेला 86 किलो उच्च दर्जाचा गांजा शोधून जप्त केला.

या संदर्भात त्यांनी पार्सलमध्ये नमूद केलेल्या पत्त्याची चौकशी केली. 2 जणांनी परदेशातून पार्सल आयात केल्याचे आढळून आले. त्यानंतर अधिकाऱ्यांनी हेमंत बंगेरा आणि फेलिक्स या दोन आयातदारांना अटक केली. जप्त केलेल्या गांजाची किंमत ४० कोटी रुपये असल्याचे समोर आले आहे. महसूल तपास विभागाच्या अधिकाऱ्यांनी गुन्हा दाखल करून तपास सुरू केला आहे.

संपादक : भरत नांदखिले. पोलखोलनामा - लोकशाहीचा चौथा आधारस्तंभ.