मराठा आरक्षणासाठी : जालना मधील जिल्हाधिकारी कार्यालया समोर वकिलाचा आत्मदहनाचा प्रयत्न

पुणे दिनांक ८ सप्टेंबर ( पोलखोल नामा ऑनलाइन न्यूज टीम) मराठा समाजाला आरक्षण मिळावे याकरिता गेली ११ दिवसांपासून उपोषण कर्ते मनोज जरांगे पाटील हे उपोषणाला बसले आहेत.त्यांच्या सर्व मागण्या राज्य सरकारने मान्य करावे म्हणून ऍड.मारोती  भाऊसाहेब वाडेकर यांनी आत्मदहनाचा प्रयत्न केला . जिल्हाधिकारी कार्यालयाच्या आवारात त्यांनी अंगावर डिझेल ओतून घेत आत्मदहन करण्याचा प्रयत्न केला आहे.

दरम्यान जालना जिल्ह्यातील अंतरवाली सराटी गावात मराठा समाजाला आरक्षण मिळावे म्हणून या मागणीसाठी गेल्या ११ दिवसांपासून मनोज जरांगे पाटील हे उपोषणाला बसले आहेत.मात्र राज्य सरकार मात्र रोज चर्चा करीत आहेत.पण या मराठा आरक्षण बाबत ठोस भूमिका घेत नाही.त्यामुळे संतप्त झालेल्या ऍड.मारोती भाऊसाहेब वाडेकर यांनी अखेर टोकाचे पाऊल उचलत अंगावर डिझेल ओतून घेत आत्मदहन करण्याचा प्रयत्न केला आहे.यावेळी पोलिसांनी त्वरित हस्तक्षेप करत त्यांना आवरले व मोठा अनर्थ टळला आहे.

संपादक : भरत नांदखिले. पोलखोलनामा - लोकशाहीचा चौथा आधारस्तंभ.