Pune Crime : बंडगार्डन पोलीस ठाणे परिसरात दहशत पसरविणाया अट्टल गुन्हेगारावर मा.पोलीस आयुक्त, पुणे शहर यांची एम.पी.डी.ए. कायद्यान्वये 79 वी स्थानबध्दतेची कारवाइ

बंडगार्डन पोलीस ठाणे हद्दीमध्ये राहणारा अट्टल गुन्हेगार नामे- संघर्ष उर्फ भाव्या नितीन अडसुळ, वय-19 वर्ष,ताडीवाला रोड,पुणे हा अभिलेखावरील सराईत गुन्हेगार आहे. त्याने त्याचे साथीदारांसह बंडगार्डन, ताडीवाला रोड भागात लोखंडी कोयता, लाकडी दांडके यासारख्या जीव घेण्या हत्यारांसह लोकसेवकाला त्याचे कर्तव्य पार पाडण्यापासून धाकाने परावृत्त करण्या साठी हमला करणे ( Pune Crime ), लोकसेवकाला त्याच्या कर्तव्यापासून परावृत्त करण्यासाठी दुखापत पोचवणे, घातक शस्त्राने दुखापत करणे, बेकायदा हत्यार बाळगणे यासारखे गंभीर स्वरुपाचे गुन्हे केले आहेत.

मागील 05 वर्षामध्ये त्याचे विरूध्द 04 गुन्हे दाखल आहेत. त्याच्या गुन्हेगारी कृत्यंामुळे सदर परिसरातील सार्वजनिक सुव्यवस्थेस बाधा निर्माण झालेली होती. तसेच त्याच्यापासून जीविताचे व मालमत्तेचे नुकसान होईल या भितीमुळे नागरिक उघडपणे तक्रार करणेस धजावत नव्हते.

प्राप्त प्रस्ताव व सह कागदपत्रांची पडताळणी करुन श्री.अमिताभ गुप्ता,पोलीस आयुक्त,पुणे शहर यांनी नमूद इसमाचे विरुध्द एमपीडीए कायदयान्वये मुंबई मध्यवर्ती कारागृह,मुंबई येथे 01 वर्षाकरीता स्थानबध्दतेचे आदेश पारीत केले आहेत. नमूद इसमास स्थानबध्द करण्यामध्ये श्री.प्रताप मानकर,वरिष्ठ पोलीस निरीक्षक, बंडगार्डन पोलीस ठाणे व श्रीमती.वैशाली चांदगुडे,वरिष्ठ पोलीस निरीक्षक,पी.सी.बी.गुन्हे शाखा,पुणे शहर यांनी कामगिरी पार पाडली.

मा.पोलीस आयुक्त,पुणे शहर यांनी दहशत निर्माण करणाया व सक्रिय अट्टल गुन्हेगारांवर कडक प्रतिबंधक कारवाई करण्याचे धोरण अवलंबिले आहे. आजतागायत 79 गुन्हेगारांना एमपीडीए कायदयान्वये स्थानबध्द केले आहे. यापुढेही सराईत व अट्टल गुन्हेगारांचे ( Pune Crime ) कृत्यांना आळा घालण्यासाठी प्रभावी प्रतिबंधक कारवाई करण्यात येणार आहे.

संपादक : भरत नांदखिले. पोलखोलनामा - लोकशाहीचा चौथा आधारस्तंभ.