मुंबई उच्च न्यायालयाने डॉ.संजीव ठाकूर यांना दिला दणका : पुणे ससून रुग्णालयातील ड्रग्ज प्रकरण भोवले.अधिष्ठाता पदावरुन डॉ.संजीव ठाकूर यांना हटवले

पुणे दिनांक १० नोव्हेंबर ( पोलखोल नामा ऑनलाइन न्यूज टीम) ससून सर्वोपचार रुग्णांलयाच्या वैद्यकीय अधिष्ठाता पदावरून डॉ.संजीव ठाकूर यांना आता हटवण्यात आले आहे.दरम्यान उच्च न्यायालयात गेलेल्या डॉ.संजीव ठाकूर‌ यांना मुंबई उच्च न्यायालयाने दणका देत त्यांची नियुक्ती रद्द केली आहे.ड्रग्ज तस्कर ललित पाटील प्रकरण त्यांना चांगलेच भोवले आहे.अशी चर्चा आता सर्वत्र सुरू झाली आहे.

दरम्यान ससून सर्वोपचार रुग्णांलयाचे माजी वैद्यकीय अधिष्ठाता डॉ.विनायक काळे १३ जानेवारी रोजी या पदावरून तडकाफडकी बदली करण्यात आली होती.त्या नंतर त्यांच्या जागी डॉ.संजीव ठाकूर यांची नियुक्ती करण्यात आली होती.या निर्णया विरोधात डॉ.विनायक काळे यांनी ' महाराष्ट्र अॅडमिनीस्ट्रेटिव्ह ट्रिब्यूनल ' ( मॅट) यांच्याकडे दाद मागितली होती.दरम्यान याबाबत मॅटने‌१४ जुलै रोजी डॉ.विनायक काळे यांच्या बाजूने निकाल दिला होता.मात्र या निकालाच्या विरोधात डॉ.संजीव ठाकूर यांनी मुंबई उच्च न्यायालयात याचिका दाखल केली होती. याबाबत आज उच्च न्यायालयाने चार महिन्यांनी निकाल देत डॉ.संजीव ठाकूर यांची नियुक्ती रद्द करत त्यांना चांगलाच दणका दिला आहे.

दरम्यान ससून रुग्णालयाचे वैद्यकीय अधिष्ठाता डॉ.संजीव ठाकूर हेच ड्रग्ज तस्कर ललित पाटीलवर उपचार करत होते.पाटिलला ससूनमध्ये ठेवण्याची शिफारसही डॉ.संजीव ठाकूर यांनीच कारागृहाला पत्राद्वारे केल्याचे स्पष्ट झाले आहे.राज्य शासनाच्या चौकशी समितीने अहवालात ससून प्रशासनावर ठपका ठेवला असल्याचे वरिष्ठ सूत्रांनद्वारे समाजले या सर्व पार्श्वभूमीवर डॉ.संजीव ठाकूर यांची बदली किंवा निलंबन कारवाई होणार हे जवळपास स्पष्ट झाले होते.दरम्यान अधिष्ठातावर सर्वच स्तरातून जोरदार टिका टिप्पणी होत होती.आणी आज न्यायालयाने त्यांची नियुक्ती रद्द केल्याचा निकाल दिला आहे.दरम्यान यावेळी माजी वैद्यकीय अधिष्ठाता डॉ.विनायक काळे म्हटले की 'मॅट' चार निकाल माझ्या बाजूने या पुर्वीच लागला होता.ते उच्च न्यायालयात गेले होते.शुक्रवारी अंतिम सुनावणी पार पडली आहे.आणी न्यायालयाने निकाल दिला आहे.आता पुढील नियुक्तीची ऑर्डर शासनाकडून लवकरच काढली जाईल असे ते म्हणाले आहेत.

संपादक : भरत नांदखिले. पोलखोलनामा - लोकशाहीचा चौथा आधारस्तंभ.