Thief arrested : पुणे शहर तसेच पिंपरी-चिंचवड आयुक्तालयामध्ये वाहन चोरी करणाया सराईत चोरटयास अटक त्यांचेकडुन एकुण 06 गुन्हे उघड

०८ ऑक्टोबर २०२२ रोजी तपास पथक प्रभारी, पी.व्ही. कुलकर्णी हे तपास पथकातील पोलीस अंमलदार यांचेसह हद्दीत पेट्रोलिंग करीत असताना शास्त्रीनगर येथून एक व्यक्ती संशयित स्थितीत दुचाकी घेवून जात असताना दिसला. त्यामुळे त्याचेवर संशय बळावल्याने स्टाफचे मदतीने ताब्यात घेवून दुचाकी वाहनाबाबत विचारणा केली असता त्याने उडवा-उडवीची उत्तरे दिली.

सदर दुचाकीवरील इसमांविरुध्द अधिक संशय बळावल्याने कोथरुड पो स्टे येथे आणून त्याचेकडे चौकशी दरम्यान त्याचे नाव संतोष सुरेश यादव,वय-38 वर्षे,रा.82/6 प्लॉट नं.6 सिध्दी विनायक कॉलनी शास्त्रीनगर कोथरुड,पुणे असे असल्याचे सांगितले. त्याचेकडे मिळून आले दुचाकी क्रं-एम एच 12 आर जे 8762 बाबत गुन्हे अभिलेखाची पडताळणी करता,कोथरूड पोलीस ठाणेस गु.र.नं.232/2022 भादविक 379 प्रमाणे गुन्हा दाखल असल्याचे निदर्शनास आले. सदर आरोपीने गुन्हा केल्याचे कबुल केल्याने त्यास गुन्ह्रात अटक करून केले तपासामध्ये आरोपीने कोथरुड, अलंकार, हिंजवडी परिसरातून दुचाकी वाहने स्वत:चे मौजमजेसाठी चोरी करून पेट्रोल संपलेनंतर सोडून दिल्याचे निष्पन्न झाले आहे. आरोपीकडून एकूण 1,00,000/- रु. किंमतीचे 4 दुचाकी वाहने (2 स्प्लेंन्डर, अ‍ॅक्टिव्हा, ऍक्सेस ) जप्त करण्यात आली असून खालीलप्रमाणे पुणे शहर तसेच पिंपरी-चिंचवड आयुक्तालयाअंतर्गत पो स्टे येथील दाखल वाहन चोरीचे एकूण 06 गुन्हे उघड झाले आहेत.

1) कोथरुड पो स्टे गुन्हा रजि नं- 232/2022 भादवि कलम 379
2) कोथरुड पो स्टे गुन्हा रजि नं- 169/2021 भादवि कलम 379
3) कोथरुड पो स्टे गुन्हा रजि नं- 243/2022 भादवि कलम 379
4) कोथरुड पो स्टे गुन्हा रजि नं- 219/2022 भादवि कलम 379
5) अलंकार पोलीस स्टेशन गुन्हा रजि नं.12/2022 भादवि कलम 379
6) हिंजवडी पोलीस स्टेशन गून्हा रजि नं.590/2020 भादवि कलम 379

सदरची कामगिरी मा.पोलीस उप-आयुक्त,श्रीमती.पौर्णिमा गायकवाड यांचे अधिपत्याखाली मा.सहायक पोलीस आयुक्त,श्रीमती.रुक्मिणी गलंडे, वरिष्ठ पोलीस निरीक्षक,महेंद्र जगताप, पोलीस निरीक्षक,(गुन्हे), बाळासाहेब बडे यांचे मार्गदर्शनाखाली तपास पथकाचे प्रभारी अधिकारी पी.व्ही.कुलकर्णी व त्यांचे पथकातील अंमलदार अजिनाथ चौधर, योगेश सुळ, संजय दहिभाते, आकाश वाल्मिकी, विष्णु राठोड, अजय शिर्के, शरद राऊत, शितकाल, शेळके यांनी सदरची उत्कृष्ट कामगिरी केली आहे.

संपादक : भरत नांदखिले. पोलखोलनामा - लोकशाहीचा चौथा आधारस्तंभ.