Sasoon Hospital : ससून रुग्णालयातून सव्वा लाखांचे दागिने लंपास

ससून रुग्णालयात ज्येष्ठ महिलेचे एक लाख २० हजारांचे सोन्याचे दागिने लांबविल्याची घटना उघडकीस आली आहे. याबाबत एकाने बंडगार्डन पोलीस ठाण्यात फिर्याद दिली आहे.

तक्रारदार मूळचे दौंड तालुक्यातील कुरकुंभचे रहिवासी आहेत. त्यांच्या वडिलांना ससून रूग्णालयात उपचारासाठी दाखल करण्यात आले आहे. वडिलांची देखभाल करण्यासाठी त्यांची आई रुग्णालयात आली आहे. रात्री तक्रारादाराच्या आईने दागिने काढून पिशवीत ठेवले. चोरट्याने पिशवीतील कर्णफुले आणि गंठण असा एक लाख २० हजारांचा ऐवज लांबविल्याचे सकाळी उघडकीस आले. पोलीस नाईक शंकर संपते तपास करत आहेत.
 

संपादक : भरत नांदखिले. पोलखोलनामा - लोकशाहीचा चौथा आधारस्तंभ.