Pune crime cleaning : स्वारगेट पोलीस ठाणे परिसरात दहशत पसरविणा-या अट्टल गुन्हेगारावर मा.पोलीस आयुक्त, पुणे शहर यांची एम.पी.डी.ए. कायद्यान्वये 83 वी स्थानबध्दतेची कारवाई

स्वारगेट पोलीस ठाणे हद्दीमध्ये राहणारा अट्टल गुन्हेगार नामे सिद्धेश्वर उर्फ तोता शहाजी जाधव उर्फ तैसिफ साजीद बागवान,वय-28 रा. गुटलेकडी,पुणे हा अभिलेखा वरील सराईत गुन्हेगार आहे. त्याने त्याचे साथीदारांसह स्वारगेट भागात लोखंडी कोयता, तलवार या सारख्या जीवघेण्या हत्यारांसह घराविषयी आगळीक, घरफोडी, बेकायदा हत्यार बाळगणे यासारखे गंभीर स्वरुपाचे गुन्हे केले आहेत. मागील 05 वर्षामध्ये त्याचेविरूध्द 06 गुन्हे दाखल आहेत. त्याच्या गुन्हेगारी कृत्यांमुळे  सदर परिसरातील सार्वजनिक सुव्यवस्थेस बाधा निर्माण झालेली होती. तसेच त्याच्यापासून जीविताचे व मालमत्तेचे नुकसान होईल या भितीमुळे नागरिक उघडपणे तक्रार करणेस धजावत नव्हते.

प्राप्त प्रस्ताव व सह कागदपत्रांची पडताळणी करुन श्री. अमिताभ गुप्ता, पोलीस आयुक्त, पुणे शहर यांनी नमूद आरोपी  विरुध्द एमपीडीए कायदयान्वये येरवडा मध्यवर्ती कारागृह, येरवडा येथे 01 वर्षाकरीता स्थानबध्दतेचे आदेश पारीत केले आहेत.

आरोपीस  स्थानबध्द करण्यामध्ये श्री.अशोक इंदलकर,वरिष्ठ पोलीस निरीक्षक,स्वारगेट पोलीस ठाणे व श्रीमती.वैशाली चांदगुडे,वरिष्ठ पोलीस निरीक्षक,पी.सी.बी.गुन्हे शाखा,पुणे शहर यांनी कामगिरी पार पाडली. मा.पोलीस आयुक्त,पुणे शहर यांनी दहशत निर्माण करणाया व सक्रिय अट्टल गुन्हेगारांवर कडक प्रतिबंधक कारवाई करण्याचे धोरण अवलंबिले आहे. आजतागायत 83 गुन्हेगारांना एमपीडीए कायदयान्वये स्थानबध्द केले आहे. यापुढेही सराईत व अट्टल गुन्हेगारांचे कृत्यांना आळा घालण्यासाठी प्रभावी प्रतिबंधक कारवाई करण्यात येणार आहे.

संपादक : भरत नांदखिले. पोलखोलनामा - लोकशाहीचा चौथा आधारस्तंभ.