Crime : मुंबई-पुणे एक्सप्रेस वेवरील कामशेत येथे पुन्हा एकदा मोठी दरड कोसळली पुन्हा वाहतूक व्यवस्था ठप्प

पुणे दिनांक २७ ( पोलखोलनामा ऑनलाईन न्यूज टीम)  पुणे-मुंबई एक्सप्रेस वे वर पुन्हा एकदा कामशेत बोगद्या जवळ मोठी दरड कोसळली आहे.या घटने मुळे पुन्हा एकदा वाहतूक व्यवस्था ठप्प झाली आहे. ही दरड गुरूवारी रात्री ९ वाजण्याच्या सुमारास पडली असून या बाबत माहिती मिळताच आयआरबीचे कर्मचारी त्वरीत घटना स्थळावर पोहचले आहेत. व पडलेली दरड हटविण्यांचेकाम चालू केले आहे. या मध्ये कोणतीही जीवीत हानी झाली नाही. या भागात मुसळधार पाऊस कोसळत आहे. त्यामुळे दरड हटविण्यांच्या कामास वेळ लागत आहे.

दरम्यान आज सकाळीच दरड कोसळली होती व त्यामुळे दुपारी ब्लाॅक घेण्यात येउन दरड हटविण्यात आली होती. दुपारी १२ ते २ दरम्यान देखील महामार्गावर वाहनांच्या प्रचंड रांगाच रांगा लागल्या होत्या. मुसळधार पाऊस कोसळत आहे त्यामुळे वारंवार दरड कोसळण्याच्या घटनाघडत आहेत  .पावसा मुळे डोंगर माथ्यावरील दरडी व मातीचे मोठ मोठे मातीचे ढिगारे प्रचंड प्रमाणावर महामार्गावर येत आहेत.या दरडींचा मनस्ताप पुणे वरून मुंबई कडे जाणा-यां व मुंबई वरून पुण्याकडे येणा-यां प्रवाशांना होत आहे. व महामार्गावर दरडी कोसळल्या मुळे वाहतूक व्यवस्था ठप्प होऊन वाहनांच्या रांगा लागत आहे. आता सदरची महामार्गावर पडलेलीदरड हटविण्यांचे काम युध्द पातळीवर सुरू आहे.

संपादक : भरत नांदखिले. पोलखोलनामा - लोकशाहीचा चौथा आधारस्तंभ.