Pune Railway Station : पुण्याचे रेल्वे स्थानक बॉम्बने उडवून देण्याचा फोन ही अफवा

पुणे रेल्वे स्टेशनला उडवून देण्याची धमकी देण्यात आल्यावर पुणे रेल्वे स्टेशनवर डॉग स्कॉड, बॉम्ब शोध पथक, पोलीस यांचा चोख बंदोबस्त ठेवण्यात आला. परंतु,पुण्याचे रेल्वे स्थानक बॉम्बने उडवून देण्याचा फोन अफवा आहे, अशी माहिती रेल्वे पोलीस अधीक्षक श्रीकांत धिवरे यांनी दिली आहे. काही वेळापूर्वीच पुण्याचे रेल्वे स्थानक बॉम्बने उडून देण्याची माहिती समोर आली होती. या विषयी शहरात खळबळ उडाली होती. परंतु ही अफवा असल्याचे रेल्वे पोलीस अधीक्षक श्रीकांत देवरे यांनी  सांगितला आहे.

रेल्वे स्थानकाच्या परिसरात खळबळ उडाली होती. पोलिसांनी तातडीने तपास सुरु केली असता कोणतीही संशयित वस्तू आढळली नाही , असं पोलिसांचं म्हणणं होतं. हा फोन मनमाडमधून आल्याची माहिती समोर आली होती. फोन करणाऱ्या व्यक्तीचे नाव गोविंद भगवान मांडे असून तो 32 वर्षीय आहे. त्याला पोलिसांनी ताब्यात घेतलं आहे. पुढील चौकशी सुरु आहे.

संपादक : भरत नांदखिले. पोलखोलनामा - लोकशाहीचा चौथा आधारस्तंभ.