Bachu Kadu send to hospital in nagpur : बच्चू कडू नागपूरच्या रुग्णालयात रवाना

प्रहार संघटनेचे नेते माजी मंत्री बच्चू कडू यांचा आज पहाटे रस्ता ओलांडताना अपघात झाला. या अपघातात बच्चू कडू यांच्या डोक्याला व पायाला जबर दुखापत झाली. त्याच्या डोक्याला टाकेही पडले आहेत. बच्चू कडू यांच्यावर अमरावती येथील खासगी रुग्णालयात उपचार सुरू होते. मात्र, आता त्यांना नागपुरातील रुग्णालयात नेण्यात आले आहे. बच्चू कडू यांना नागपूरच्या रुग्णालयात का नेण्यात आले? ही माहिती देण्यात आलेली नाही. मात्र, माझी प्रकृती चांगली असल्याचे बच्चू कडू यांनी सांगितले आहे.

बच्चू कडू हे आज सकाळी साडेसहा वाजता रस्ता ओलांडत असताना त्यांना दुचाकीने धडक दिली. त्यामुळे बच्चू कडू यांच्या डोक्याला व उजव्या पायाला दिवाने मार लागला. त्यामुळे त्यांना तातडीने खासगी रुग्णालयात दाखल करण्यात आले. यावेळी त्यांच्या डोक्यालाही टाके घालण्यात आले. त्याच्या डोक्याला आणि पायाला पट्टीही बांधण्यात आली होती.

मात्र, सकाळी प्राथमिक उपचारानंतर बच्चू कडू यांना पुढील उपचारासाठी नागपूरच्या न्यूरॉन रुग्णालयात हलवण्यात आले आहे. यावेळी त्यांच्यासोबत त्यांच्या पत्नी नयना कडू होत्या. बच्चू कडू यांच्या अपघाताची माहिती मिळताच मंत्री प्रवीण पोटे यांनी रुग्णालयात येऊन बच्चू कडू यांची भेट घेऊन त्यांच्या प्रकृतीची विचारपूस केली.

अपघातानंतर बच्चू कडू यांनी ट्विट करून त्यांच्या प्रकृतीची माहिती दिली. आज सकाळी रस्ता ओलांडताना माझा अपघात झाला. मी ठीक आहे आणि डॉक्टरांच्या सल्ल्यानुसार मला विश्रांतीची गरज आहे. कृपया सर्व हितचिंतकांना विनंती आहे की कोणीही भेटायला येऊ नये, असे बच्चू कडू यांनी ट्विटमध्ये म्हटले आहे.

दरम्यान, बच्चू कडू यांच्या पायाचा नागपुरातील रुग्णालयात एक्स-रे करण्यात येणार आहे. आवश्यक चाचण्याही केल्या जातील. अपघातात पायाचे हाड फ्रॅक्चर झाले नाही का? याची चौकशी करण्यात येणार असल्याचे सांगण्यात आले. मात्र, बच्चू कडू यांच्या निकटवर्तीयांनी सांगितले की, त्यांची प्रकृती स्थिर असून काळजी करण्याची गरज नाही.

संपादक : भरत नांदखिले. पोलखोलनामा - लोकशाहीचा चौथा आधारस्तंभ.