Pakistan should thank India : पाकिस्तानने भारताचे आभार मानले पाहिजे - मुक्तदार खान

सध्या पाकिस्तान चौफेर संकटांनी घेरला आहे. परिस्थिती इतकी बिकट झाली आहे की, पाकिस्तान आता जगभरातून मदत मागत आहे. पाकिस्तानचे सोशल मीडियावर फिरणारे फोटो देशाची अवस्था सांगण्यासाठी पुरेसे आहेत. तज्ज्ञांच्या मते, पाकिस्तानातील परिस्थिती लवकर सुधारणार नाही.

पाकिस्तानमधील परिस्थिती पाहता अमेरिकेतील डेलावेअर विद्यापीठातील इस्लामिक स्टडीज प्रोग्रामचे संचालक प्रोफेसर मुक्तदार खान यांनी म्हटले आहे की, भारताची इच्छा असेल तर तो युद्ध घोषित करून पीओके आणि इतर भागांना जोडू शकतो. हिंदी न्यूज वेबसाइट आज तकच्या वृत्तानुसार, त्यांनी दावा केला की, पाकिस्तान सध्या वाईट परिस्थितीतून जात आहे, सहा प्रकारच्या संकटांचा सामना करत आहे. अशा स्थितीत देशाचे तुकडे होऊ शकतात.

अमेरिकेतील डेलावेअर विद्यापीठातील इस्लामिक स्टडीज प्रोग्रामचे संस्थापक संचालक प्रोफेसर मुक्तदार खान म्हणतात की, पाकिस्तानचे तुकडे होऊ शकणारे सहा संकटे आहेत. त्यांच्या मते, ती संकटे म्हणजे राजकीय संकट, आर्थिक संकट, सुरक्षा संकट, प्रणाली संकट, ओळख संकट आणि पर्यावरण संकट.

पाकिस्तानने भारताचे आभार मानले पाहिजे - मुक्तदार खान

पाकिस्तानने प्रथम भारताचे आभार मानले पाहिजेत की ते आपल्या शेजारी देशाच्या आर्थिक दुर्दशेचा फायदा घेत नाहीत. पाकिस्तानच्या नेत्यांनी ही गोष्ट आपल्या लक्षात ठेवावी की भारतीय नेते आपल्यासारखे नाहीत तर अधिक आदरणीय आहेत. असेही ते म्हणाले. 

संपादक : भरत नांदखिले. पोलखोलनामा - लोकशाहीचा चौथा आधारस्तंभ.