Government Engineer suspended : राष्ट्रपती द्रौपदी मुर्मू यांच्या पाया पडण्या प्रकरणी सरकारी अभियंता निलंबित

4 जानेवारी रोजी एका कार्यक्रमादरम्यान सुरक्षा प्रोटोकॉलचे उल्लंघन आणि राष्ट्रपती द्रौपदी मुर्मू यांच्या पायाला स्पर्श करण्याचा प्रयत्न केल्याबद्दल राजस्थान सरकारच्या एका महिला अभियंत्याला शुक्रवारी निलंबित करण्यात आले. गृह मंत्रालयाच्या हस्तक्षेपानंतर सार्वजनिक आरोग्य अभियांत्रिकी विभागाने महिला अभियंत्याला निलंबित केले.

PHED मुख्य अभियंता (प्रशासन) म्हणाले, "पीएचईडीचे कनिष्ठ अभियंता अम्बा सियोल यांनी 4 जानेवारी रोजी रोहट येथे स्काऊट गाईड जाम्बोरेच्या उद्घाटन कार्यक्रमादरम्यान राष्ट्रपतींच्या पायांना स्पर्श करण्याचा प्रयत्न करून प्रोटोकॉलचे उल्लंघन केले, म्हणून तिला राजस्थान नागरी सेवा नियमांनुसार तात्काळ प्रभावाने  निलंबित करण्यात आले."

कार्यक्रमादरम्यान पाण्याची व्यवस्था पाहण्यासाठी सियोल तेथे उपस्थित होती. पण राष्ट्रपतींच्या सुरक्षेचा भंग करत ती राष्ट्रपतींच्या स्वागतासाठी उपस्थित असलेल्या अधिकाऱ्यांच्या पुढच्या रांगेत पोहोचण्यात यशस्वी झाली. अचानक ती पुढे सरकली आणि राष्ट्रपतींच्या पायाला स्पर्श करण्याचा प्रयत्न केला, पण राष्ट्रपतींच्या सुरक्षा कर्मचाऱ्यांनी तिला रोखले. स्थानिक पोलिसांनी औपचारिक चौकशी केल्यानंतर त्यांना सोडून दिले. राष्ट्रपतींच्या सुरक्षेतील गंभीर त्रुटी लक्षात घेऊन केंद्रीय गृहमंत्रालयाने ही घटना गांभीर्याने घेतली आणि राजस्थान पोलिसांकडून अहवाल मागवला.

संपादक : भरत नांदखिले. पोलखोलनामा - लोकशाहीचा चौथा आधारस्तंभ.