Chief Minister Shinde : शिवसेना भवनासमोरचे मुख्यमंत्री शिंदे यांचे बॅनर हटवले

पंतप्रधान नरेंद्र मोदी  हे येत्या 19 जानेवारीला मुंबई दौऱ्यावर येणार आहेत. या पार्श्वभूमीवर भाजप (BJP) आणि शिंदे गट मुंबईत मोठं शक्तीप्रदर्शन करण्याच्या तयारीत आहे. याचाच एक भाग म्हणजे मुंबईभर पंतप्रधान नरेंद्र मोदी, मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांचे कटावेज  लावण्यात आले आहेत. मुंबईतल्या शिवसेना भवनासमोरही मोठ मोठे बॅनर्स लावण्यात आले होते, पण हे बॅनर मुंबई पोलिसांनी हटवले आहेत.

शिवसेना भवनासमोर मुख्यमंत्री-उपमुख्यमंत्र्यांचे कटावेज लावल्याने कायदा-सुव्यवस्थेचा प्रश्न होऊ शकतो, या कारणाने पोलिसांनी हे बॅनर हटवले आहेत. शिवसेना भवन समोर शिवसेनाप्रमुख बाळासाहेब ठाकरे यांचे मोठे कटआऊट लावण्यात आले आहेत. त्यांच्या मागे मुख्यमंत्री एकनाथ शिंदे यांचे कटआऊट बाळासाहेबांची शिवसेना पक्षाचा कार्यकर्त्यांनी लावले होते. त्यावरून वाद निर्माण होऊ नये यासाठी पोलिसांनी खबरदारी घेत मुख्यमंत्री एकनाथ शिंदे यांचे मोठे कटआऊट हटवले.

संपादक : भरत नांदखिले. पोलखोलनामा - लोकशाहीचा चौथा आधारस्तंभ.