Kasba Bypoll-election : नाना पटोले नावं हायकमांडला पाठवणार. कसब्यात काँग्रेसचे उमेदवार ठरले !

पुण्यात रिक्त झालेल्या विधानसभेच्या दोन जागांसाठी पोटनिवडणूक जाहीर झाली आहे. पुण्याच्या माजी महापौर आणि भाजपच्या आमदार मुक्ता टिळक आणि चिंचवडचे आमदार लक्ष्मण जगताप यांच्या निधनानंतर रिक्त झालेल्या जागेसाठी ही पोट निवडणूक होणार आहे.

दरम्यान कसबा पेठ पोटनिवडणूक काँग्रेस लढणार असल्याची माहिती समोर आली आहे. उमेदवारांनी नावे ठरली असून काँग्रेस प्रदेशाध्यक्ष ही नावे दिल्लीच हायकमांडला पाठवणार आहेत.

कसबा पेठ मतदार संघासाठी ५ नावे ठरले आहेत. कसबा पेठ विधानसभा हा काँग्रेससाठी पारंपरिक मतदारसंघ राहिला आहे. दरम्यान संगीता तिवारी, बाळासाहेब दाभेकर, कमल व्यवहारे, अरविंद शिंदे, रवींद्र धंगेकर हे काँग्रेसचे इच्छुक उमेदवार आहेत. या उमेदवारांनी नाना पटोले यांनी भेट घेतल्याची माहिती मिळत आहे. कसबा पेठ पोटनिवडणूकीसाठी आमदार संग्राम थोपटे यांची पक्षाच्या निरीक्षक पदी नियुक्ती करण्यात आली आहे. 

संपादक : भरत नांदखिले. पोलखोलनामा - लोकशाहीचा चौथा आधारस्तंभ.