अजित पवार यांच्या बरोबर गेलेल्या आमदारांवर कारवाई करण्यात यावी : राष्ट्रवादी काँग्रेसचे अध्यक्ष शरद पवार गटाचे प्रदेशाध्यक्ष जयंत पाटील यांनी सुप्रीम कोर्टात केली याचिका दाखल

पुणे दिनांक ६ ऑक्टोबर ( पोलखोल नामा ऑनलाइन न्यूज टीम) राष्ट्रवादी काँग्रेस पक्षाचे चिन्ह व नावाबाबत निवडणूक आयोगात आज सुनावणी पार पडत असताना जयंत पाटील यांनी एक राजकीय खेळी खेळली आहे. राष्ट्रवादी काँग्रेसचे अध्यक्ष शरद पवार  यांच्या गटाचे प्रदेशाध्यक्ष जयंत पाटील यांनी सुप्रीम कोर्टात याचिका दाखल केली आहे.उपमुख्यमंत्री अजित पवार यांच्या सोबत गेलेल्या आमदारांवर कारवाई व्हावी अशी मागणी या याचिकेत केली आहे.या याचिकेची दखल सुप्रीम कोर्टाने घेतली आहे.

दरम्यान जयंत पाटील यांनी दाखल केलेल्या याचिकेवर सुप्रीम कोर्टत आता तातडीने सुनावणी होणार आहे.दरम्यान सुप्रीम कोर्टाच्या कामकाजांचा आजच्या आठवड्यातील शेवटचे दोन दिवस आहे.पुढील दोन दिवस कोर्टाला शनिवारी व रविवारी सुट्टी असणार आहे.पण पुढील आठवड्यातील पहिल्या सोमवारी कोर्टाचे कामकाज सुरू होणार आहे.व सुप्रीम कोर्टाच्या वतीने याचिकांची यादी जाहीर करण्यात आली आहे.यामध्ये जयंत पाटील यांनी दाखल केलेल्या याचिकेचा समावेश करण्यात आला आहे.दरम्यान या याचिकेत जयंत पाटील यांनी दाखल केलेल्या याचिकेवर सोमवारी दिनांक ९ ऑक्टोबर रोजी सुनावणी पार पडेल या सुनावणीकडे आता संपूर्ण महाराष्ट्रासह देशांचे लक्ष लागले आहे.

दरम्यान अजित पवार यांनी सत्तेत सहभागी झाले आहेत.व त्यांना राष्ट्रवादी काँग्रेसच्या सर्वाधिक आमदारांनी पाठिंबा दिला आहे. अजित पवार यांनी घेतलेला निर्णय पक्षांच्या विरोधात आहे.तसेच त्यांना पाठिंबा देणाऱ्या आमदारांवर अपात्रतेची कारवाई करण्यात यावी.अशी मागणी करणारी याचिका जयंत पाटील यांनी विधान सभा अध्यक्षांकडे केली होती.दरम्यान जयंत पाटील यांनी विधान सभा अध्यक्षांकडे अपात्रतेच्या प्रकरणी याचिका दाखल करून दोन महिने झाले आहे.तरी विधानसभा अध्यक्ष राहुल नार्वेकर यांनी कोणतीही कारवाई केली नाही.त्यामुळे जयंत पाटील यांनी अजित पवार यांच्यासोबत गेलेल्या आमदारांवर कारवाई करण्यात यावी अशी याचिका सुप्रीम कोर्टात केली आहे.त्यावर आता येत्या सोमवारी दिनांक ९ ऑक्टोबर रोजी सुनावणी होईल ‌.त्यामुळे आता सुप्रीम कोर्ट विधानसभा अध्यक्षांना काही आदेश देतं का ? हे पाहणं महत्त्वाचं ठरणार आहे.दरम्यान जवळ जवळ याबाबत शिवसेना सारख्याच घडामोडी याही. प्रकरणात घडतांना एकंदरीत दिसत आहे.

संपादक : भरत नांदखिले. पोलखोलनामा - लोकशाहीचा चौथा आधारस्तंभ.