Miraj : मिरज मध्ये वातावरण तापलं. बंदची हाक

भाजपचे आमदार गोपीचंद पडळकर यांचे बंधू आणि माजी सभापती ब्रह्मानंद पडळकर यांची मिरज शहरातील दुकाने आणि हॉटेल जेसीबीच्या साहाय्याने फोडण्यात आल्याची घटना समोर आली आहे. याविरोधात मिरजेत तणावाचे वातावरण असून काँग्रेस, राष्ट्रवादी काँग्रेस, ठाकरे गट, एमआयएम, आरपीआयसह विविध सामाजिक संघटनांनी निषेध म्हणून मिरज बंदची हाक दिली आहे. यावेळी शहरातून रॅलीही काढण्यात येणार आहे.

घटनास्थळी मोठा पोलीस बंदोबस्त तैनात करण्यात आला असून नागरिकांच्या तक्रारीवरून ब्रह्मानंद पडळकर यांच्यासह १०० जणांवर गुन्हा दाखल करण्यात आला आहे. मध्ये

मिरजेतील छत्रपती शिवाजी महाराज रस्त्यावरील हॉटेल वृंदावनसमोरील दुकाने आणि त्यामागील झोपडपट्टीच्या जागेचा वाद सुरू आहे. ही जागा भाजपचे आमदार गोपीचंद पडळकर यांचे बंधू ब्रह्मानंद पडळकर यांनी विकत घेतल्याचे सांगण्यात येत आहे. ते सांगली जिल्हा परिषदेचे माजी अध्यक्ष आहेत. ही जागा मोकळी करण्यासाठी त्यांनी यापूर्वी अनेकदा प्रयत्न केले होते. मात्र, वाद सुरूच राहिला.

ब्रह्मानंद पडळकर यांनी शुक्रवारी मध्यरात्री चार जेसीबी आणि सुमारे 200 लोकांच्या जमावाने दुकाने व हॉटेल पाडण्यास सुरुवात केली. यावरून पडळकर यांचे समर्थक, दुकानदार आणि झोपडपट्टीवासीयांमध्ये जोरदार वादावादी झाली. या हाणामारीत मोहम्मद सय्यद हा दुकानदार जखमी झाला. दुकाने फोडून हॉटेल्स पाडल्यानंतर मोर्चा झोपडपट्टीकडे वळवण्यात आला. या वेळी पडळकर यांच्या समर्थकांवर नागरिकांनी दगडफेक केली.

मध्यरात्री काही दुकानं आणि हॉटेलं पाडलीत

मिरज शहरात रात्रीच्या अंधाराचा फायदा घेत जेसीबीच्या साहाय्याने दुकाने आणि हॉटेल्स फोडल्याचा आरोप भाजपचे आमदार गोपीचंद पडळकर यांच्या भावाने केला आहे. ब्रह्मानंद पडळकर यांनी जमीन ताब्यात घेण्याच्या उद्देशाने बेकायदेशीरपणे जमीनदोस्त केल्याचा आरोप नागरिकांनी केला आहे. फोडलेल्या गाठी बेकायदेशीर होत्या, माझ्या भावाने काहीही चुकीचे केले नाही, असे स्पष्टीकरण आमदार गोपीचंद पडळकर यांनी दिले आहे.

दुकाने पाडल्यानंतर मोठा जमाव जमला होता. त्यामुळे येथे रात्री तणावाची परिस्थिती होती. झोपड्या घरे पाडल्यानंतर परिस्थिती चिघळली आहे. हा प्रकार घडत असताना पोलीसांना माहिती मिळाली. शहर पोलीस ठाण्याचे निरीक्षक संजीव झाडे, ग्रामीण ठाण्याचे निरीक्षक नारायण देशमुख, महात्मा गांधी चौक पोलीस ठाण्याचे सहायक निरीक्षक रविराज फडणीस यांच्यासह सुमारे 200 पोलिसांचा फौजफाटा घटनास्थळी दाखल झाला. पोलीसांनी चारही जेसीबी जप्त केलेत.

दुकाने पाडल्यानंतर मोठा जमाव जमला होता. त्यामुळे येथे रात्री तणावाची परिस्थिती होती. झोपड्या घरे पाडल्यानंतर परिस्थिती चिघळली आहे. हा प्रकार घडत असताना पोलीसांना माहिती मिळाली. शहर पोलीस ठाण्याचे निरीक्षक संजीव झाडे, ग्रामीण ठाण्याचे निरीक्षक नारायण देशमुख, महात्मा गांधी चौक पोलीस ठाण्याचे सहायक निरीक्षक रविराज फडणीस यांच्यासह सुमारे 200 पोलिसांचा फौजफाटा घटनास्थळी दाखल झाला. पोलीसांनी चारही जेसीबी जप्त केलेत.

संपादक : भरत नांदखिले. पोलखोलनामा - लोकशाहीचा चौथा आधारस्तंभ.