Soshal : सैनिक कल्याण विभागातर्फे २४ वा ' कारगिल विजय दिवस ' साजरा

पुणे दिनांक २७ ( पोलखोलनामा ऑनलाईन न्यूज टीम)   सैनिक कल्याण विभाग. जिल्हा सैनिक कल्याण कार्यालय पुणे महाराष्ट्र माजी सैनिक महामंडळ लिमिटेड ( मेस्को ) एस.के.एफ.लिमिटेड व बोनिसा वर्ल्ड फाऊंडेशन यांच्या संयुक्त विद्यमाने २४ व्या ' कारगिल दिवस ' निमित्ताने कार्यक्रमाचे आयोजन करण्यात आले होते. सैनिक कल्याण विभागाच्या महासैनिक लाॅनमध्ये या समारंभास सैनिक कल्याण विभागाचे माजी संचालक कर्नल ( निवृत्त ) भगतसिंह देशमुख. उपसंचालक ले. कर्नल ( निवृत्त) राजेंद्रकुमार रा.जाधव. जिल्हा सैनिक अधिकारी ले.कर्नल ( निवृत्त) सतेश दे.हांगे..कर्नल ( निवृत्त ) लक्ष्मण साठे.एस.के.एफ.मित्र परिवाराचे राजेंद्र जगदाळे. बोनिसा वर्ल्ड फाऊंडेशनचे संकेत बियानी .वीरपत्नी .वीरपिता .अपंग जवान व माजी सैनिक उपस्थित होते. 

या कार्यक्रमाची सुरूवात अमर जवान स्मृतिचिन्हास पुष्पचक्र अर्पण करून शहीद सैनिकांच्या आठवणीत दोन मिनिटांची स्थब्धता पाळून करण्यात आली या वेळी सर्व शहीद जवानांनअभिवादन करून श्रध्दांजली वाहण्यात आली .तसेच शहीद सैनिकांच्या १२ वीर पत्नी १ वीरपिता व २ अपंग जवान यांचा एस.के.एफ.लिमिटेड यांच्या कडून भेटवस्तू. व बोनिसा वर्ल्ड या संस्थेकडून ' वन इंडिया रिंग ' देऊन सन्मान करण्यात आला. तसेच सैनिक कल्याण विभाग व जिल्हा सैनिक कल्याण कार्यालयाच्या वतीनेही त्यांना भेटवस्तू देउन सन्मानित करण्यात आले. या कार्यक्रमात मान्यवरांनी आपलं मनोगत व्यक्त केले. तर प्रास्ताविक के.कर्नल सतेश हांगे ( निवृत्त) यांनी केले. 

सन १९९९ मध्ये एप्रिल ते जुलै या कालावधीत भारतीय सैन्याने पाकिस्तान सेनेविरूध्द कारगिल क्षेत्रात विजय मिळविला होता .या संग्रामात भारतीय सैनिकांचा दृढनिश्र्चय व पराक्रम दिसून आला .२६ जुलै १९९९रोजी भारतीय सैन्याने पाकिस्तानी सैन्याने कब्जा केलेले  शेवटचे ठाणे जिंकून भारतीय सीमा मुक्त केली. हा दिवस संपूर्ण देशभरात ' कारगिल विजय दिवस ' म्हणून साजरा केला जातो. 

राज्यातही कारगिल स्मृतीदिन समारंभ सन २०००पासून प्रतेक जिल्ह्यातील जिल्हा सैनिक कल्याण कार्यालयाच्यावतीने साजरा केला जातो. कारगिल युध्दात शहीद झालेल्या अधिकारी. व जवानांच्या स्मृतीस अभिवादन व त्यांचा बलिदानाप्रती कृतज्ञता व्यक्त करण्यासह कारगिल युद्धातील शहीद जवानांच्या वीरपत्नी . वीरमाता व वीर पित्यांचा गौरव या निमित्ताने करण्यात येतो.

संपादक : भरत नांदखिले. पोलखोलनामा - लोकशाहीचा चौथा आधारस्तंभ.