A girl jumped into the canal : सिंहगड रोड परिसरात बारावीत शिकणाऱ्या मुलीने कालव्यात उडी घेतली

बारावीत शिकणाऱ्या अल्पवयीन मुलीने सिंहगड रस्त्यावरील कालव्यात उडी मारल्याची घटना सोमवारी दुपारी घडली. रात्री उशिरापर्यंत ती सापडली नाही.

श्रावणी नितीन वानखेडे असे उडी मारलेल्या मुलीचे नाव आहे.

श्रावणी सिंहगड रस्त्यावरील एका महाविद्यालयात शिकत आहे. सोमवारी तिची प्राथमिक परीक्षा सुरू झाली. ती दुपारी कॉलेजमध्ये गेली आणि प्रश्नपत्रिका अर्धवट सोडवून वर्गातून निघून गेली.

मोबाईलवर बोलत असताना तिने कालव्याजवळ जाऊन कालव्यात उडी घेतली. तेथून जाणाऱ्या दोन तरुणांनी ही घटना पाहिली. तरुणांनी ही माहिती पोलीस आणि अग्निशमन दलाला दिली.

रात्री उशिरापर्यंत तिचा शोध सुरू होता. मात्र, तिचा ठावठिकाणा लागला नसल्याची माहिती सिंहगड रस्ता पोलिस ठाण्याचे वरिष्ठ पोलिस निरीक्षक शैलेश संखे यांनी दिली.

संपादक : भरत नांदखिले. पोलखोलनामा - लोकशाहीचा चौथा आधारस्तंभ.