Soshal : दौंड व पुरंदर तालुक्यातील पोलिस पाटील भरती प्रक्रिया स्थगित

पुणे दिनांक २८ जुलै  ( पोलखोलनामा ऑनलाईन न्यूज टीम) पुरदंर उपविभागातील दौंड व पुरदंर या तालुक्यातील रिक्त असलेल्या पोलिस पाटील पदासाठी १ ऑगस्ट २०२३ रोजी आयोजित करण्यात आलेली लेखी परीक्षा पावसाची स्थिती लक्षात घेऊन तसेच अन्य प्रशासकीय कारणास्तव स्थगित करण्यात आली आहे. असे उपविभागीय अधिकारी मिनाज मुल्ला यांनी कळविले आहे

जिल्हाधिकारी पुणे यांच्या निर्देशानुसार ३ जुलै २०२३रोजी पोलिस पाटील भरती प्रकियाबाबत जाहीर नामा प्रसिद्ध करण्यात आला होता. पोलिस पाटील पदासाठी प्राप्त अर्जाची छाननी करून पात्र उमेदवारांची यादी ही २४ जुलै रोजी प्रसिद्ध करण्यात आली आहे. भरती प्रक्रियाबाबत  कालबंध्द कार्यक्रमानुसार मंगळवारी १ ऑगस्ट रोजी सकाळी ११  वाजतावाजता परीक्षा घेण्यात येणार होती. 

पुणे जिल्ह्यात अतिवृष्टी / मुसळधार पाऊस कोसळत आहे तसेच दिनांक १ ऑगस्ट ते ७ ऑगस्ट या कालावधीत महसूल स्पताह आयोजित करण्यात येणार आहे. तसेच पुरदंर तालुक्यातील गराडे.व हिवरे या गावातील पुणे वर्तुळाकार महामार्गासाठी संपादित जमिनीच्या मोजणीची तारीख निश्चित केलेली आहे. 

दरम्यान ही परिस्थिती लक्षात घेता नियोजित लेखी परीक्षा घेणे प्रशासकीय कारणांस्थव शक्य होणार नसल्यांने १ ऑगस्ट रोजीची नियोजित लेखी परीक्षा पुढील तारखे पर्यत तुर्त स्थगित करण्यात आली आहे. दौंड व पुरदंर उपविभागीय कार्यालयातून लेखी परीक्षा संदर्भात दिनांक. स्थळ. व पुढील कालबध्द कार्यक्रमा बाबत अवगत करण्यात येईल अशी माहिती प्रशासनाच्या वतीने देण्यात आली आहे. 

संपादक : भरत नांदखिले. पोलखोलनामा - लोकशाहीचा चौथा आधारस्तंभ.