कोथरूड विधानसभा पुणे : मतदार जनजागृती नोंदणी शिबीरात १०० विद्यार्थीनींना प्रशिक्षण

पुणे दिनांक १९ ऑगस्ट ( पोलखोल नामा ऑनलाइन न्यूज टीम)  कोथरूड विधानसभा मतदार संघाच्या वतीने युवा मतदांरामध्ये जनजागृती करण्याच्या उद्देशाने महर्षी कर्वे स्त्री शिक्षण संस्था कर्वे नगर येथे २१ ऑगस्ट रोजी मतदार नोंदणी शिबीर व विविध जनजागृती कार्यक्रमांचे आयोजन करण्यात आले असून कार्यक्रमांच्या पूर्व तयारी साठी महर्षी कर्वे स्त्री शिक्षण संस्थेत जिल्हाधिकारी कार्यालयातील स्वीप प्रमुख तथा उपजिल्हाधिकारी अर्चना तांबे यांच्या उपस्थितीत मतदार नोंदणी बाबत प्रशिक्षणाचे आयोजन करण्यात आले.

यावेळी मतदार नोंदणी करण्याबाबत सुमारे १०० विद्यार्थीनींना  प्रशिक्षण देण्यात आले ‌.मतदार नोंदणी ही लोकशाहीच्या सुद्ढीकरणासाठी पहिली पायरी असून युवक - युवतींना स्वतःची तसेच घरातील सर्व पात्र सदस्यांची मतदार नोंदणी करून घ्यावी असे आवाहन श्रीमती तांबे यांनी केले.यावेळी हिराबेन नानावटी मॅनेजमेंट इन्स्टिट्यूटच्या संचालिका डॉ.सूर्या रामदास.यांनीही यावेळी मार्गदर्शन केले.यावेळी सहाय्यक मतदार नोंदणी अधिकारी अंजली कुलकर्णी.व केदार वझे आदी उपस्थित होते.

संपादक : भरत नांदखिले. पोलखोलनामा - लोकशाहीचा चौथा आधारस्तंभ.